אַ משל פֿון אליעזר שטיינבערג
אַרויסגענומען פֿון אַ לערנבוך פֿאַר קליינינקע אין חדר - "אַלף-בית", טשערנאָוויץ, 1921, ז´ 3. דער פּאָעט אליעזר שטיינבערג וואָס האַט פֿאַרפּאַסט דאָס ליד איז באַוווּסט מיט זײַנע זיסע משלים אין זײַינע לידער *************************** אַלף-בית! אַלף-בית! אויפֿן בוים אַ שוואַרצע קראָ און אין מויל אַ שטיקל קעז. קמץ-אַלף – אָ! ס´קעצל קומט! אַ גאַסט איז דאָ! ס´קומט דאָס פֿוקסל מאַכט אַ קניקסל און סע רעדט זיך צוקערזיס: דו ביסט שיין און איך בין מיאוס! זינג מיר קראָעלע, זינג אַ לידעלע איך וועל שפּילן אויפֿן פֿידעלע: טרי-רי-ראַ! טרי-ריי-ראָ! שרײַט די קראָ: קראַ! קראַ! קראַ! פֿאַלט פֿון מויל די קעז אַרויס און דאָס מעשׂהלע איז אויס! ******* מילים קשות: קניקסל - קידה
